自問未能食素，但好友推介，今日就到新開業的緻素坊飲茶，好友更搵埋老闆之一的大廚出來推介，我地就由大廚Dicky發辦，一行三人叫到成枱都是素點心，款款超好食，估唔到無肉不歡的我，都超讚。Dicky表示這裡的所有點心都是手工製，做到外皮厚薄適中，而且絕不黐牙，每日現場新鮮製作，所以入口即嘗到那份新鮮的口感，絕對值得推介俾各方好友。
飲茶唔少得蝦餃、燒賣及叉燒包，這裡做到原汁原味，幾可亂真，但重點是一點都唔油膩，好好味。筍尖蝦餃皇 $42 蝦餃皇皮薄餡靚，內裡是彈牙的素蝦，還用了筍子，和真蝦餃皇的做法一樣，只是內裡全是素材料，賣相和味覺都和真蝦餃一樣，必試呀！香菇燒賣 $42入面好似吃到豬肉的口感，其實是新豬肉及煮好耐的菇，咬落去味道口感和真燒賣無異，值得一試。 黑松露野菌餃 $46 個人至愛之一，入口那黑松露香全數湧入口內，食一啖即愛上，點算好呀！一籠四粒要留肚，只能食住兩粒，所以話下次一定會再來就咁解。手撕杏鮑菇 $62 我愛吃香口食物，簡直好食到令人無法自拔，全部人手撕，入口脆口到不得了，若不是要留肚食其他點心，一定會encore。靈芝菇素腸 $40 晶凝通透的腸粉，內裡全是雜菇餡料，脹卜卜的好足料，配埋自家製豉油，都是果句超好味呀！ 甘荀鹹水角 $36 脹卜卜的外型超可愛，鹹水角皮加了甘筍汁來搓皮，餡料有榨菜絲、素肉、雜菇等，入口糯香煙韌，足料夠味，真是色香味俱全。秘製素叉燒 $118咬落去口感似肥叉燒，真是好味到無得彈，叉燒好香脆呀! 一點也不像是麵筋的素肉。蘿蔔絲酥餅 $42鬆化的外層，內裡是蘿蔔絲及菇絲，入口蘿蔔絲全數的送進口內，滿口都是清甜的蘿蔔絲。秘製水煮魚 $238 除點心外，水煮魚都是無得彈，將杏鮑菇切薄成魚片，口感嫩滑，又帶點辣，好啱無辣不歡的我，非常惹味呀！ 雪山叉燒包 $42每日12點前新鮮出爐，每日限量，入口與平時高級酒樓吃到的口感一樣，不講是素食都幾可亂真。金奬紙醉金迷 $39曾是得奬的甜品，入口紫薯綿滑軟腍，仲好清甜。齋滷味(三寶) $48 三寶齋就有「酸齋」、「蠔油齋」和「咖哩齋」每日新鮮做好，入口不算多汁，但幾夠味又腍軟，口感不錯。 特色芒果布丁$48 以花盆的造型，集合了芒果及布丁，用鏟子代替匙羹，入口又香又滑又好食！緻素坊不難找，在尖沙咀廣東道，看到 apple store 再行前少少便到。
Veggie Kingdom 緻素坊
地址：尖沙咀廣東道120號海威中心7樓
電話：+852-2366-3233
營業時間：11:00–15:30、18:00–22:00
官網：http://www.veggiekingdom.hk/
FB：https://www.facebook.com/veggiekingdomhk
IG：https://www.instagram.com/veggiekingdomhk/
留言 0