惹味鮑魚生啫雞煲　和父親啤一啤

不少子女們經常和媽媽傾心事，但和內歛的父親總難打開話匣子，臨近父親節，倒不如學煮美食和爸爸邊吃邊聊。中環一間高級中菜館行政總廚李文星師傅，教大家烹調一道鮮鮑魚生啫沙薑走地雞煲的佐酒小菜。選用肉味濃且嚼勁十足的元朗走地雞去骨，配以彈牙的大連鮮鮑，應該可以滿足愛吃肉及海鮮的父親。

雞肉以自製的啫啫醬醃過後，以燒熱瓦煲烹調，先下香氣十足的麻油和配料墊底後下雞肉、鮑魚和沙薑，謹記加蓋煲煮讓瓦煲繼續燒熱，中途可以轉動瓦煲，以保持均勻的熱力，開蓋淋上紹酒便聞到香氣。熱辣辣的鮑魚雞煲，與啤酒最為匹配，師傅指如果看到煲內的薑粒或BB洋葱有點焦，屬正常狀況，代表瓦煲燒得夠熱，菜式煮得夠香，子女們大可與爸爸摸住酒杯底食雞煲傾心事，夠晒溫馨！