周吉佩驚後浪來襲分薄資源　密謀孖《中年3》亞軍拍住開騷

周吉佩今日（15日）現身活動，講到出寫真，他自言無意出寫真騷肌，問到是否對自己的身材冇信心？他坦言一部分是，另一方面是對太太冇信心：「我怕太太唔畀，喺佢心目中，有好嘢留畀自己睇。（平時有冇操肌？）間中，我每次做運動都係有目的，例如之前為開演唱會，平時就比較懶散。」提到昨日在商場快閃busking，他表示自己20年前在該商場busking開始自己的音樂夢，入行前有2、3年時間都在商場表演，好開心重回舊地及跟粉絲一齊見證，又不排除到其他商場作快閃busking。

另外，新一季的《中年好聲音》進行招募，對於後浪來勢洶洶，作為好聲音元祖級的周吉佩被問到會否擔心工作被分薄時？他坦言：「唔驚就假，驚一定有，但冇得驚咁多，我會做好自己應該做嘅嘢，寫歌同準備開演唱會，其實大家唱功都好犀利，冇得比較，反而係睇有冇得合作。」他指《中3》亞軍張與辰就曾跟他傾過合作在馬來西亞開騷事宜：「佢有問過我有冇興趣一齊喺馬來西亞開騷，我話緊係好，托佢鴻福帶我去玩，我只係喺當地開過一次騷，當地粉絲都成日問我幾時再過去。」

東網網站 : https://on.cc/東網Facebook專頁 : https://www.facebook.com/onccnews/