張敬軒孖朱咪咪首次合作拍廣告 賣口乖讚前輩新鮮又開胃

張敬軒和朱咪咪首次合作拍廣告，拍攝現場放滿新鮮食材，軒仔及咪咪姐拍得醒神，2人曾在音樂會上合作，拍廣告盡顯默契，軒仔說：「咪咪姐充滿正能量，只要有她在的地方便有歡樂，總能帶新鮮感給大家。」

軒仔表示今次與咪咪姐合作拍廣告不夠喉，約定要到新加坡，邀請咪咪姐拍攝《軒公敲碗》，咪咪姐聞言說：「敲碗呀？即是飲食節目？飲飲食食是我的最愛，但我們也可以透過網絡兩地連線，毋須飛來飛去呢！」軒仔口甜舌滑說：「但我對住你真人會更開胃。」逗得咪咪姐笑不攏嘴！

軒仔又讚廣告劇情「寫實」，事關自己試過因為「遮遮」生病，而要親自買餸及下廚，並說：「雖然我經常四圍飛開騷，但只要我在香港有空時，便會到街巿買餸，因為我很喜歡吃蒸魚，偏偏『遮遮』不太會挑新鮮魚，只好由我親自出馬。」68歲的咪咪姐從小到大未曾請過家傭，多年來親自買餸煮飯，對食材的新鮮程度最為着緊。

（即時娛樂）