拜仁主場對奧格斯堡德甲比賽，拜仁成場比賽有33次射門，但球隊要去到63分鐘憑住哈利簡尼12碼入波先至打開記錄。去到補時階段，哈利簡尼搏到12碼兼且親自操刀射入，再隔幾分鐘，哈利簡尼接應哥列斯卡傳送上演帽子戲法，拜仁最後以3:0比數擊敗對手，各項賽事6連勝🙂
哈利簡尼第7次係德甲上演帽子戲法，呢位前鋒只係用咗43場比賽就完成德甲50個入波里程碑，創下德甲史上最快搵到50個入波紀錄。哈利簡尼加盟拜仁之後為球隊62次上陣已經有64個入波，平均每場比賽超過1個入波😂
哈利簡尼接受訪問就話「我哋係今場比賽製造唔少機會，好彩我哋有個12碼可以打開記錄，之後我哋就可以控制到場比賽。我哋嚟緊一個星期任務艱巨，首先要係歐聯對巴黎聖日耳門，之後返到德甲對多蒙特同埋係德國盃面對利華古遜，我哋依家狀態幾好，應該可以保持呢個勢頭😎。」
▼Follow足球仁
Instagram: https://www.instagram.com/football_yern/
留言 0