雯雯再公開鬧爆老公「廢」　張致恆有工唔見藉口多

張致恒（Steven）與太太區燕雯（雯雯）近年負面新聞不斷，早前Steven透露自己找到新工，以為他一家人的生活會慢慢變好時，雯雯上周在社交網上公布健康噩耗，今日（11日）又再抱怨老公多多藉口不肯見工，直接用「廢」字形容對方。

Steven與雯雯兩公婆的問題眾多，繼上周她透露疑生腫瘤後，今午她又再社交網鬧爆，IG限時動態寫道：「搵哂工，問哂資料，安排哂，都可以咁多藉口唔去見。其實根本就係揀工，永遠都一堆廢話解釋自己點解冇錢。」她最後更以一個《廢》字在形容，估計發洩對象正是老公Steven，似乎又再辭去茶餐廳的工作，再次淪為失業大軍。

較早前雯雯與網民交流，網民留言： 「媽媽呢個角色已經不容易。有個唔上心既老公更加辛苦。我能感受到。不開心就哭不要忍。加油。」雯雯亦有回應謂：「無論點都要守護屋企」，她又回覆網民問及「你哋病好未呀？」她哭著寫道：未呀！

上星期雯雯在社交平台上分享她近期的生活困境，透露自己的身體出現嚴重問題，又分享自己配戴病人手帶的相片並留言： 「首先就係自己唔舒服，去咗急症，初步懷疑係腫瘤，要等化驗報告，同埋再深入檢查。」 她又提及兒子開始出現咳嗽、流鼻水、發高燒等癥狀，需要馬上送醫，同時家中愛犬更不幸被診斷出患有癌症，持續出現一連串的不幸事件。