昨夜凌晨碧基(Gerard Piqué)係個人社交平台發佈一支影片，內容宣布將會係明年一月離開巴塞並且退伇，此消息對於一眾球迷都係相當震撼。
正如碧基發佈嘅片段所講，過去幾個月的確傳出不同傳聞圍繞碧基嘅薪金、留隊或離隊意願，曾有傳聞指巴塞盡量限制碧基嘅出場次數同時間以嘗試同佢解約，種種嘅傳聞未有認證，但如今巴塞隆拿35歲嘅中堅碧基確實係今個星期六主場對艾美利亞一戰，結束係巴塞嘅球員生涯，完成為巴塞征戰嘅第15季🔵🔴
對於35歲嘅碧基，今季嘅上陣時間有限，除左自身狀態隨年齡下降之外，隊內中堅人選亦有更多選擇，係呢個時候急流勇退亦係一個合理嘅選擇，然而根據碧基嘅意願，碧基嘅合約將會係下星期提早終止，並放棄直到季尾嘅薪金，唔知呢個舉動會唔會係受巴塞跌落歐霸所影響呢🥴
不過～值得一提嘅係碧基係片段最尾提到佢遲早會回歸，所以碧基對巴塞嘅愛依然存在🙌🏻 大家對佢嘅最深印象又係邊一件事呢？
▼ Follow 張堅庭頻道
Instagram: https://www.instagram.com/footballarena_hk/
留言 0