所謂「無酒不歡、無蟹不宴」，秋天來臨，又係時候約齊班Fd子食蟹飲酒！
近來我哋就去咗銅鑼灣拾肆，嘗11月限定嘅蟹主題Omakase，一個價錢食到由松葉蟹、香箱蟹、鱈場蟹及大閘蟹打造嘅系列佳餚！此外，套餐仲包3款市面少見嘅清酒，均由 專業利酒師按食材調配，成件事好夾好正！
\前菜/
✦ 松葉蟹春卷、澤蟹、柚子醋白子 🍴4/5
前菜三品都非常吸引，松葉蟹春卷入面攝有一片紫蘇葉，好fresh；澤蟹仔加咗鹽酥炸，好香口；白子加咗柚子醋蘿蔔鹽，好清新鮮美！據說店家揀白子時都好嚴格，帶粉紅有魚腥味的不要，唔夠肥的不要，保證入口都係正貨。
✦ 清酒煮文蛤配松葉蟹肉 🍴4/5
用上日本廣田灣40g以上嘅文蛤熬煮，隻隻肥大厚實，食完好滿足！配上蟹清湯，成件事好清甜鮮美。
✦ 蜜柑鯛卷右口魚 🍴3.5/5
蜜柑鯛肉帶橘子清香，幾特別，入面卷有熟成咗7日、經過炙燒嘅右口魚，一鮮一香，雙重滋味，不錯！
✦ 石垣貝津菜蟹湯 🍴3.5/5
師傅輕拍石垣貝，收緊貝肉肌肉，食落更爽口；底有津菜蟹湯，津菜帶膠質，蟹湯鮮甜，令人開胃。
✦ 稻草燒鰹魚 🍴3.8/5
經過稻草燻燒嘅鰹魚，帶濃濃稻香，掩蓋到鰹魚嘅草腥味。店家用回游鰹，肉質份外肥美，味道不錯。
✦ 蛋黃漬深海池魚 🍴3.5/5
主廚Jack學過法國菜，所以將法國菜經典嘅蛋黃醬加入池魚中，上面加咗炒香嘅芝麻，味道帶蛋黃香，幾特別，好香口。
✦ 秋刀魚磯邊卷 🍴4/5
店家用上150g以上嘅秋刀魚，勁肥美，肉味鮮甜！時令嘢就係正！
✦ 備長炭煙燻熟成拖羅 🍴3.8/5
用青森大間嘅拖羅，經過16日熟成，魚味濃郁。上枱時師傅已切晒筋，入口即化，完全冇揸，夾紫菜食一流！但點嫌醬油味淡咗啲，鹹返少少好啲。
🍶 以上配酒：釀心純米大吟釀
酒體香甜、清晰，帶濃濃果香，好適合女生飲用。
🍧 柚子雪葩配紫蘇花 🍴4/5
主食前嘅雪葩，清口腔之人用。幾濃柚子味，加上紫蘇花提香，整體好fresh！
✦ 花雕酒鱈場蟹羹 🍴4/5
清蒸鱈場蟹，鮮甜多肉，好香！下面有個蟹芡汁，有少少秋葵粒食，清新香甜。
✦ 燒鱈場蟹 🍴4.5/5
食完清蒸，食個濃味嘅燒鱈場蟹，加上日本青椒仔＋明太子及點檸檬汁，好惹味！
✦ 鱈場蟹天婦羅 🍴4.5/5
鱈場蟹三食之中，我最愛天婦羅食法！炸皮好薄，蟹肉一絲絲，好Juicy好香，令人一試難忘！
✦ 香箱蟹家大閘蟹 🍴4/5
香箱蟹專食蟹籽，且都有分等級，呢度食到嘅係橘紅色，品質好好！喺蟹籽下，有香箱蟹及大閘蟹膏，唔使自己剝殼，食到晒最靚嘅蟹籽及蟹膏，啖啖肉好正！
🍶 以上配酒：龜萬大吟釀
入口好濃重，口感溫潤，感覺好鐵漢柔情。
\壽司/
✦ 中拖羅 🍴4/5
中拖羅油脂豐沛，入口即化，正！
舍利用新潟越光米，破天荒配八珍陳醋，米飯帶高粱味及赤醋，偏酸，但好突出到魚鮮。
✦ 毛蟹馬糞海膽 🍴4.5/5
毛蟹嘅蟹膏＋蟹肉，加上馬糞海膽，好鮮甜！有漬蘿蔔、芽蔥、紫蘇花及芥末，好惹味！同樣配陳醋舍利，配蟹一流！
✦ 特濃蟹羹 🍴4.5/5
最後一道菜係多種蟹熬成嘅特濃蟹羹，勁清甜，隻味有點似栗米羹，不過相對鮮甜啲！
🍶 以上配酒：熊本神功吟釀
入口先甜後辛，喉龍發熱，但整體味道好純、好溫潤。
\甜品/
✦ 和歌山富有柿＋焦糖燉蛋慕絲蛋糕 🍴4/5
和歌山富有柿好爽甜，啲肉比較實；焦糖燉蛋慕絲蛋糕好特別，好香甜！
📍店家傳送門： @juyon.omakase
✾分類標籤
#daydayfoodie_omakase
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎡味道：4
🎠環境：3
🎪服務：4
🕌CP值：4
（*5為最高分）
★－:+:－:+:－:+:－:+:－★
◌ 拾肆
◌ 銅鑼灣軒尼詩道499號永光商業大廈14樓
★－:+:－:+:－:+:－:+:－★
🎀 記得like埋我，每日放送打卡好去處！📸
