劉青雲街市高調買餸再做「市民劉先生」　貼地獲34萬Like

影帝劉青雲早年曾喺過年期間到街市買餸時，被新聞報道以「市民劉先生」身份出鏡，貼地又爆笑，成為每年新年網友翻Loop嘅賀年片段之一，更獲稱為「平民影帝」。近日佢開通內地短片平台，上載嘅第一條片就係以買餸話題做招來，佢亦街市高調再踩入街市買餸，又自嘲其實唔係咁熟，叫大家快啲教佢。而其實早喺上月冬至，佢就已經以同一身打扮喺現身荃灣街市被捕獲，當時大家見有團隊幫佢拍片，就已經估到佢係為開工。

今次佢加入平台，上載新片接近24小時，就已經有34萬Like、18.6萬followers，雖然佢以「市民劉先生」玩gag，不過大部分網友都好擔心佢會被平台「荼毒」，因為近年多位頂級巨星加入後，都慢慢轉做直播帶貨，網友就驚佢咁做會破壞「市民」形象，同時亦問佢會唔會同太太郭藹明現身影片中，肯定會更多Like數。

東網網站 : https://on.cc/東網Facebook專頁 : https://www.facebook.com/onccnews/