香港踏入流感高峰期，個案不斷攀升，加上台灣藝人大S徐熙媛因患上流感猝逝，令流感成為熱門話題。樂隊 Tonick 主音趙善恆（恆仔）今日（2月6日）上載肺部X光片，表示近期受咳嗽困擾，但沒有患上流感，為免失場，決定明日繼續出騷。
恆仔於Instagram 寫道：「仲咳緊，深呼吸到丹田嘅話右邊就會有少少痛同埋咳出嚟。頂硬上勉強應該唱到嘅，怕係怕影響之後，所以睇清楚，而家confirm咗冇中任何流感，但個肺花咗少少我唔會失場，但可能會有少少失準，聽日見」。
他又貼出X光片，表示左邊肺部沒事，但右邊「有花」：「醫生話而家都好普遍，唔使太擔心食足抗生素，準時食藥，瞓多啲覺，會好返。」
他另外上載流感測試結果，展示全為陰性：「幾萬種流感，全部Negative，但聽日同我影相都帶返個口罩。」
恆仔圈中好友紛紛留言慰問，粉絲則欣賞恆仔堅持演出，不過都囑咐他要多休息，「保重呀 btw 「我唔會失場」呢句型到傻🔥」、「明天唔好咁用力唱🥲🥲，唉，菌好西利架，病左大家會體諒你，會唔會明天唔好唱快歌，轉曬唱慢歌會唔會比較好？」、「唔好死頂呀🥺飲多啲水」。