江美儀 與Bob林盛斌主持TVB J2新節目《Mean Talk》，每集他們都會邀來星級嘉賓，要對方要簽署「Mean爆生死狀」，大膽坦承真話，包括入行以來最委屈經歷、最匪夷所思娛圈秘聞、聽過最「直線挑機」的說話、影視生涯最污點節目。本來江美儀要嘉賓單立文與滕麗名放下底線被Mean，怎料反單立文被追問與吳君祥離婚的內幕。江美儀在鏡頭前落淚，訴說失婚之苦。
撰文：Clara | 資料、圖片來源：TVB節目《東張西望》、江美儀微博
江美儀落淚剖白失婚之苦＋分手原因
在《Mean Talk》中，單立文突然牽江美儀的手，問她與前度吳君祥（吳君如胞弟）分開時，有沒有受到很大刺激，他聲音顫抖地解釋：「大家好關心你，但又敢騷擾你，我哋驚會觸動你好多情緒，但又驚你頂唔順，我哋好難受。我覺得你背後自己承受好多嘢，唔會同我哋講。我真係覺得你點解咁傻？點解要孭起咁多嘢呢？同我哋講吖嘛！又唔係唔熟！咩都講我哋，你知唔知啫？」而膝麗名亦有拍她肩膀叫她加油。
江美儀憶起往事，終忍不住落淚，在鏡頭剖白分手原因：「我冇嘢㗎喇依家……我都唔知可以同邊個講吖嘛……有時兩個人相處去到要離婚，未必係一件事發生咗，可能係一路積累，積累到覺得，我嘅人生係咪應該繼續落去。兩個人傾完之後覺得，可能分開仲好啲喎，所以最後就分開。」
之後她又訴說失婚之苦：「其實你哋知嗰時已經好後，呢件事已經發生咗好耐。最近我經理人同我講，我係一個唔識釋放自己嘅人，樣樣嘢都自己吞晒，你唔好見我咁剛強，都有人蝦我…算喇，我好似好開心，其實唔係真係咁開心。」她又指自己疫情期間沒有工作，很辛苦，留家獨處時常常想不開，幸好現在多了工作，讓她有個寄託。單立文鼓勵她以為有甚麼煩惱都要跟他傾訴：「做朋友就係咁，互相扶持，唔通落井下石咩。」
曾吳君如弟吳君祥瞞婚
江美儀曾與吳君祥拍拖11年，18年宣布分手，惟被傳媒發現二人早於2006年在美國結婚，兩年前已離婚，後來一直瞞婚。風波愈捲愈大，江美儀曾上《東張西望》哽咽向大眾道歉，解釋分手後受盡情傷，要時間適應：「我要同咁多位講唔好意思，對唔住。我有情緒病，一分手就要面對記者肯定處理唔到…我平靜到同大家講呢件事會好啲。」
多年來，吳君祥都在大陸發展，曾被拍到與女星嚴淑明密會，但江美儀接受傳媒訪問時澄清對方只是應酬，二人分手是因步伐不一致才會變回朋友。被問到愛情觀，她指男人不用管，所以自己從不對男朋友黑面，更加不做「奪命追魂Call」、查行蹤等行為：「男人唔係要去征服，而係令佢識得點疼錫你，要點令佢做到咁，就係自己本事。」現年江美儀49歲，依然單身，她表示經歷過多段失敗，很清楚永遠不能滿足另一半所有要求，所以寧願愛自己。