【搵食CONY】精選3款賀年糕點 潮玩傳統包裝與經典風味

LINE TODAY 發布於 2020年01月16日13:12 • 搵食CONY

每到農曆新年,CONY都會「過肥年」,皆因各款新春賀年食品太多又太美味,總會食唔停口,點會唔肥?尤其是賀年糕點,明知它邪惡萬分,卻依然難抵誘惑!市面上賀年糕點眾多,教人花多眼亂,今年CONY為大家精選以下3個品牌,不論你是追求外表、味道或健康的都有選擇。

潮玩傳統包裝

米芝蓮一星中菜府「都爹利會館」今年共推出兩款傳統賀年糕點,包括椰汁年糕和臘腸瑤柱蝦米蘿蔔糕,質素當然有保證,然而驚喜更在於包裝,禮盒由家品設計品牌「G.O.D住好啲」設計,將傳統的萬壽無疆杯花樣以手繪形式呈現,並以象徵吉祥喜慶的大紅為主調,包裝亮麗搶眼,送禮得體之餘,更定能引起話題。

臘腸瑤柱蝦米蘿蔔糕$348/盒
三個字概括:勁足料!蘿蔔糕的粉漿細滑,加上滿滿的蝦米、臘腸和瑤柱,而蝦米的鮮味尤其凸出,滿足滋味。
椰汁年糕$298/盒
年糕表面看來稍有凹凸不平,沒想到口感極之香糯軟滑,椰汁味濃。

都爹利會館
地址:中環都爹利街一號上海灘三樓及四樓
電話:2525 9191

60年經典美味

細細個就聽過「華麗園」呢個名?創業於1950年,主打以新鮮椰汁製成的白糖年糕,一賣就60年,不過他們並沒有「食老本」,不斷以經典椰汁年糕作基底創新口味,例如班蘭、杏汁合桃及燕窩紅棗等,讓大家有更多選擇。他們還有其他傳統賀年糕點,如蘿蔔糕、馬蹄糕和芋頭糕等,加上品牌有多個銷售點又有網店,想入手十分方便。雖然相比其他連鎖店,華麗園的賀年糕點不算便宜,然而勝在貨真價實,足料味美。

燕窩紅棗椰汁年糕 $188
以新鮮椰汁製成的白糖年糕,隱隱散發出椰汁香氣,年糕口感亦香滑鬆化,配以燕窩感覺更矜貴養顏。
瑤柱金腿蘿蔔糕$178
足料蘿蔔糕除了是指配料,更是要多蘿蔔!華麗園蘿蔔糕吃得出蘿蔔味,咬得到蘿蔔絲,口感較挺身卻不會過硬,加上他們用了北海道瑤柱,香氣更加濃郁。

網店及分店地址:https://www.wahlaiyuen.com.hk/shop/chinese-new-year-food/

驚喜食材配搭成就健康美味

賀年糕點出名油膩高脂,進食時總要提醒自己點到即止,可是隨著素食漸漸融入主流市場,近年賀年糕點愈來愈多健康純素選擇。連鎖超市city’super的自家製賀年糕點新推的「黑松露新豬肉素糕」,食材配搭別出心裁,選用新興的「新豬肉Omipork」與深受歡迎的黑松露入饌,誰說素食就是單調沉悶?

黑松露新豬肉素糕$168/盒
除了黑松露和新豬肉,還加入了冬菇提升香氣,以及粟米增加甜味,令素糕的味道別具次,連食肉獸同事都覺得相當有驚喜。

銷售點:全線city’super