因日葵海而聞名嘅「元朗信芯園農莊」，歷經風災閉園後，終於要重開啦！難得聖誕又就到，園內搞搞新意思，特設日本櫻花園鳥居、仲有油紙傘、紫藤同玫瑰隧道等佈置，咁耐冇得去日本，不如就去元朗信芯園農莊影相打個靚卡啦！
圖片來源：信芯園農莊｜撰文：Sharon
經過約兩個月嘅換季工作，信芯園農莊喺今個聖誕開放畀大家參觀！今次以「小日本」作主題，仲加入咗唔同嘅場景，主打櫻花園鳥居，每位入場人士仲會收到一包向日葵或劍蘭種子作聖誕禮物！園區本月以「小日本」作主題，加入多個全新場景，主打櫻花園鳥居。
大家嚟到會經過粉嫩調櫻花同清新和風油紙傘隧道，喺度影相打卡一定勁有feel~
另外，仲有建於水上嘅赤紅鳥居，大家有冇一種回到日本旅行嘅感覺呢？
除此之外，園內更有紫藤花隧道，懸掛喺隧道嘅兩側同頂端位置，淺紫粉色真係少女心爆發，係必影嘅打卡位啊！另外，仲有多個玫瑰主題大型裝置，包括玫瑰打卡牆、玫瑰隧道等，啱晒同另一半一齊嚟影相啦！
因應季節需求，信芯園仲引入咗法國香水百合及日本劍蘭，預計明年1月盛開，大家記住Bookmark去睇啦！
【INFO】
元朗信芯園農莊
日期：即日起至另行通知
時間：8am-6pm
地址：元朗新田小磡村信芯園農莊
開放日期：2021年12月12日起至另行通知
開放時間：8am-6pm
前往方法：
- 由元朗出發，乘搭九巴76K、紅色小巴17、綠色小巴75、76；
- 由上水出發：乘搭九巴76K、紅色小巴17，於石湖圍落車，經青山公路進入農場，步行5分鐘即可到達。
留言 0