「美心妹妹」楊鎧凝(Celine)早於3歲時因拍廣告而為人熟悉,之後更拍過無綫劇集《愛我請留言》和《陪着你走》等,隨著成長階段,Celine亦淡出幕前專注學業,近日她在社交網透露已赴日本九州升學,更貼出多張當地拍攝的照片,已經融入當地生活,與同學的相處更似足拍攝寶礦力廣告。
不經不覺,Celine今年已經15歲,在港時讀中學時做過風紀和班長,更操得一口流利日語,並考獲日語能力N2的證書,近日更正式到日本升學,上星期飛到當地。Celine抵達日本不久,連日來分享日本的校園點滴,她貼出穿上校服裙打鞦韆的照片,寫道:「已經開咗學啦!睇吓我哋係有櫻花樹啊!真係好開心,可能之後都會冇乜時間post相,因為喺度太開心啦!」她更hashtag表明自己是「#日本留學生 」。
直到昨日(12日),Celine又貼出多張與同學一起遠足的相片,相處愉快。「呢間學校真係好正!今日去遠足,真係超級好玩,一到識新朋友一度行。」Celine穿上體育衫,與一班新同學打成一片,一邊唱日文歌一邊跑跑跳跳,就像拍寶礦力廣告一樣盡現少女的青春味道。