驚蟄打小人｜遍地打小人　鵝頸橋底迫爆　排隊五小時遭打尖　紅磡疑似打小三　榕樹頭客人親手打

今（5日）是驚蟄，為二十四節氣第三個節氣，傳統習俗會打小人。銅鑼灣鵝頸橋底、油麻地榕樹頭、紅磡寶來街、油麻地榕樹頭，遍地都有打小人的儀式。「打你個小人頭，打到你成世無出頭⋯⋯」在銅鑼灣鵝頸橋底，拍打聲此起彼落。午飯時間，橋底下有數十個檔攤，擠滿大批善信，有警察在場疏導人流。有早上八時到達的市民被「打尖」，排隊近五個多小時仍未排到；亦有路過的打工仔，用午飯時間「搵情緒價值」，排隊約40分鐘，指現時市道差，望為公司「打走啲小人，賺多啲錢，老闆加我人工」。在紅磡，有人拿著一張照片，及寫上疑是打「小三」的字句在打小人。在榕樹頭，有客人則親自落手打小人。

銅鑼灣　排隊五小時遇「打尖」

在港島居住的文小姐，今早八時已抵達鵝頸橋，接近下午一時仍然未排到。過去驚蟄正日，她也有打小人的習慣。文小姐指，往日只需用兩個多小時便可完成儀式，但今天因有人「打尖」，沒有工作人員負責秩序，未有留意到前方的人已向前移動，因而被插隊，排了五個多小時，前方仍有七至八個人。
為求化解丈夫周遭的小人，文小姐仍然堅持排隊，說是「（打小人）有個心理作用」。此時，在旁的一男一女正在為人流排隊方向爭吵；前方有數名軍裝警，在場定時驅趕停留的人士。

從事廣告業、在觀塘區工作的 Matthew ，今天因公事順路經過銅鑼灣。第一次打小人的他感到，這裏氣氛「好澎湃、好響、人頭好擠迫」，因此花費 250元、排隊約 40分鐘，「

幫公司打走啲小人，賺多啲錢，老闆加我人工」。

銅鑼灣鵝頸橋底

「搵到個抒發嘅渠道」

他解釋，現時市道差，小市民自求多福，大環境不由自己控制，唯有控制自己先，「自己努力啲」，「𠵱家無論後生又好，大家都好著重嘅情緒價值，喺度可能係搵到個抒發嘅渠道，或者係攞到啲情緒價值，舒服啲，係，其實最後尾都係個求個安心」，不知靈驗與否，亦「打咗先，盡咗力」。

內地旅客　打完小人返深圳不過夜

今天打小人正日，他說鵝頸橋打小人是香港文化之一，「以前睇啲電視劇集，都話攞個小銀嚟打兩張相。都大概知道呢度發生咩事」。不過，他未有覺得人流較平日多，反而留意到較多年輕人和內地旅客來訪，「𠵱家『無處不旅遊』，都有幫助嘅對香港旅遊業嘅」。

鵝頸橋能否成旅遊景點，助本港經濟？

今天特地請假、從深圳來港打小人的許小姐，說不會過夜，「轉頭食完，食個飯夜晚就返去」.。最近她因工作人際不順，與同事工作不合，但不願當面對質。負能量無法驅散，她在內地社交平台小紅書和抖音看見香港著名打小人，便選擇遠道來港，「嚟發洩，求個安心」。

紅磡寶來街褔德正神廟旁

除了打小人熱點鵝頸橋，紅磡寶來街褔德正神廟旁，廟祝也預備了紙老虎，肥豬肉，豬血，米，香燭等，以 30 元一份的價錢出售，購買後，旁邊有婆婆幫顧客「打小人」，當然也可自己動手，有人脫下自己的鞋在打小人。現場所見，有人拿出一張印有相片，寫疑似打財「小三」的字句。在油麻地榕樹頭，也有打小人活動，顧客可以親手打小人。