馮允謙相隔年半再踏紅館　「有好多騷，未必要睇我」

馮允謙（Jay）一連三場「the SOUNDTRACK of my LIFE馮允謙演唱會2024」昨晚（10月9日）於紅館開鑼。Jay的父母、兄弟與未婚妻Crystal等家人拉隊支持，圈中好友鄭伊健、梁釗峰、Me&成員黃淑蔓和連家穎、劉沛蘅、徐㴓喬、ANSONBEAN及女友張天穎、蔡浩然、吳浩康和胡鴻鈞等捧場。Jay台上又唱又跳，大派心心，還台上除衫騷麒麟臂，掀起全場高潮。

相隔一年半，Jay二度踏上紅館舞台，今次由音樂總監周錫漢帶領的樂隊與弦樂團，共逾30人，比Jay首次個唱多一倍。其中弦樂團13名樂手，演奏大提琴、小提琴、色士風、長號和小號，加上「雷同二友」謝芊彤和謝芊蕾等和音團隊成員，演唱《Jay Fung儀態訓練學院》、《約齊靈魂在墳墓開生日派對》、《開始倒數》、《地球來的人》和《山旮旯》，配合台上巨型LED大螢幕和Jay配戴超過230萬元的BVLGARI 頸鏈及戒指演出，非常耀眼。

演唱會開場，Jay穿著閃片牛仔裝站在高台，邊彈結他邊唱《尋找隱世巨聲》、《A New Day》和《入場人士注意》為個唱揭開序幕。之後Jay向觀眾打招呼：「真係好開心同感恩，相隔年半可以再開騷，坦白講開騷前我有啲擔憂，啲飛賣唔賣得好？又驚唔夠新作品畀大家聽，所以去年演唱會後至今，我創作咗10首新歌，全靠大家支持，我先至能夠咁努力創造新歌。」Jay昨晚唱《報復式浪漫》時大派心心，然後唱《Preciously Mine》時，突然指向台下坐第一行的未婚妻Crystal唱出「love you」，當眾示愛，觀眾歡呼尖叫。

COLLAR成員Marf昨晚擔任表演嘉賓，穿上大露背及低胸裝出場與Jay合唱《All That I Want》。Jay表示Marf參加選秀節目時已很欣賞她，所以就寫了這首歌，想不到相隔兩年才面世，最近他為Marf再寫新歌《心好細》，更在台上為她打歌宣傳。

鳴謝團隊後，Jay感性地說：「因為有好多騷，你哋未必一定要睇我，多謝你哋選擇支持我，呢個世界變得好快，時間又過得好快，但我會記住呢個Moment，我唔知幾時再有機會開演唱會，希望好快再見到你哋。」演唱會尾聲，Jay表示今次演唱會主題是人生之歌，所以選唱出自己的作品和喜愛的歌，他希望自己的歌曲也可成為別人的人生之歌：「希望我嘅歌可以陪伴大家，成為你哋嘅力量，開開心心離場，而你哋亦畀咗個好有紀念價值嘅回憶我。」唱出《給缺席的人唱首歌》和《在最好的時間做最好的你》，全場燈海下首場演唱會圓滿結束。