前巴塞中場奇雲保定： 我之前為咗可以去巴塞隆拿踢波 我講大話就話美斯係世界上最好球員

曾經效力過AC米蘭、哈代柏林、巴塞隆等多間球隊嘅奇雲保定接受「FIVE UK」訪問就話「對唔住巴塞球迷，你哋依家應該會好憎我。其實我由細到大都係哈化柏林同皇馬球迷。加盟巴塞之前幾年，我就承認過呢一點，曾經有人問我邊個係世界上最好球員，我就話C朗😶。」

呢位前加納🇬🇭球員又話「當我同巴塞簽約嗰陣，球隊係記者會之前都提醒我唔好表達自己對皇馬嘅喜愛，如果唔係無辦法為球隊踢波。之後就有人問我最鍾意邊間球會，我就話巴塞隆拿，有人又問我最鍾意邊位球員，我就話美斯😅」

奇雲保定仲話「我話美斯係世界上最好球員只係因為我想踢波，呢個係我其中一個最大嘅大話。我通常都會講真話，但係嗰陣我一定要講大話，因為咁樣先至著到巴塞波衫😎。」

奇雲保定最後就話「我覺得意大利🇮🇹入波仲辛苦過係西班牙🇪🇸，美斯之前問我意大利入波係咪好辛苦，因為當時C朗效力緊祖雲達斯，所以我就話比美斯知真係好難入波，而C朗效力祖雲達斯三年時間差唔多每場比賽都有入波，只不過大家好容易唔記得C朗所做嘅事😶。」

▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/football.jai/