玫瑰崗停辦︱「咪神」李芷晴為母校做最後採訪

無綫新咪神李芷晴曾就讀擁有64年歷史的老牌私校玫瑰崗，師兄師姐包括有已故的張國榮、翁美玲及蔡卓妍（阿Sa）、朱慧敏等，其中阿Sa在校園4樓有一間「蔡卓妍學生活動室」。對於位於灣仔屬津校的玫瑰崗中學將於25/26學年完結後正式停辦，2012年中七畢業的芷晴接受《東張西望》訪問時大感不捨。

她說在印象中，學校和其他校舍有所不同，如學校會搞旅行：「其他學校會搞野餐，但我哋學校就會去外地，可以坐飛機去一個地方，可能有北京圑或者遠啲嘅地方，我記得有啲外國圑，當年就去咗台灣一個星期。」

她又說母校停辦的消息都是看新聞才知，所以大感驚訝，不知消息是真是假：「突然間話冇就冇，覺得有啲可惜，大家馬上就想，要唔要搵日返去（學校）探吓啲老師，同埋呢度有好多回憶，想睇睇啲地方。」

東網網站 : https://on.cc/東網Facebook專頁 : https://www.facebook.com/onccnews/