渣打或引入QR code ATM機 推無卡提款叫「QR Cash」最快今年年底面世

近年咩都用QR Code，畀錢用QR code、攞優惠又係，依家連提款都可以用QR Code？有冇諗過唔洗帶銀包、唔洗帶銀行卡，都拎到錢？

渣打銀行依家研究推出手機二維碼(QR Code)提款功能「QR Cash」，我哋遲下可以體驗「無卡提款」服務，估計最快今年底正式面世。

QR Cash暫時仲係處於測試階段，渣打高層員工表示，客戶日後可以透過渣打嘅手機App，直接登入個人帳戶同埋輸入提款金額，預約二維碼提款服務。去到ATM掃一掃QR Code就拎到錢。

例如：當你排緊隊㩒錢嘅時候，你登入app嘅account，然後輸入提款金額。當你去到ATM機嘅時候，你㩒「QR Cash」，並且用渣打手機App掃一掃提款機即刻出嘅一個QR Code，就完成無卡提款交易。

只能說，手機越嚟越重要！唔見咗，咩都做唔到咁～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

歡迎關注我們的 Facebook 與 Instagram