探射燈：活化工廈成本高　5年經營期難回本

政府於兩年前再次重啟活化工廈計劃。

自兩年前政府宣布重啟活化工廈計劃，容許業主改裝整幢工廈作過渡性房屋，至今仍未有成功個案。立法會工業大廈政策相關事宜小組委員會委員劉國勳批評，政府施政離地，完全沒有提供誘因吸引工廈業主申請。

現時工廈業主如獲運房局專責小組同意，整幢改裝的工廈可作為期不超過5年的過渡房屋項目。但不少業主指要改裝工廈成本高，5年難以回本，劉國勳直指，「計埋裝修同招租時間，出租期或只剩3年，呢3年點回到本，就算有良心業主諗住幫吓基層等佢哋有平屋住，自己1蚊都唔賺，但係都唔想蝕幾千萬裝修錢㗎。」

「5年之後又點呢？可唔可以轉做酒店？同埋使唔使又要使多筆錢還原先，政府咩都無講清楚，點吸引到人申請。」劉坦言，如政府仍一意孤行不肯放寬現有相關政策，例如將5年經營年期延長，將來亦難吸引業主申請。

-----------------------

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！

立即免費下載，體驗《骰寶坊》最真實、刺激的多人在線骰寶遊戲！

遊戲下載：https://goo.gl/i2t1yj

東網網站 : https://on.cc/

新聞