男神潛力股！中港台新生代大比拼 好似個個都咁煞食咁
近年娛樂圈中掀起咗一股「鮮肉潮」，唔少有家底、有學識，仲有超煞食身材嘅90後新生代都大受歡迎，好似大陸代表就有胡一天、王鶴棣、楊洋、TFBoys；台灣代表有蔡凡熙、李玉璽、Ninepercent成員陳立農；當然唔少得香港代表喇，香港有余德丞、丁子朗、吳偉豪、莫竣名等等⋯⋯真係多到數唔晒呀！
香港代表：
1.余德丞
余德丞（Dickson）成為入圍新一代男神絕對唔係冇道理，佢唔止主持、拍劇瓣瓣掂，仲幾唱得吓，咁多才多藝，難怪出道短短幾年就獲力捧啦！
Dickson係前香港游泳代表隊成員嚟，身材當然有番咁上下喇。
Dickson除咗係「高富帥」外，仲係一名孝順仔嚟。
絕對係筍盤之中嘅筍盤呀！
2.丁子朗
丁子朗（Karl）因參加《香港先生選舉》而入行，Karl唔止同樣主持、拍劇一樣冇問題，佢仲有一顆少女心，就係好鍾意粉紅色呀！
原來Karl有一副好body係因為當年佢讀大學時，受到大隻宿舍室友影響，被迫做Gym而慢慢練出嚟㗎！
3.吳偉豪
今年先20歲嘅吳偉豪，真係名符其實嘅小鮮肉。
佢憑TVB處境劇《八時入席》中飾演King sir個孫「禾仔」成功入屋。
4.莫竣名
有「梁朝偉、金城武混合體」之稱嘅莫竣名（Louis）。唔止帶高學歷，佢仲擁有小提琴8級資格添。
莫竣名憑拍攝啤酒廣告而爆紅。
之前佢因為參加ViuTV探靈節目時經常不顧形象狂爆粗，被網友大讚夠貼地。
台灣代表：
5.蔡凡熙
有台灣「國民學長」之稱嘅蔡凡熙，因電視劇《通靈少女》中嘅陽光暖男形象而被觀眾關注。畢業於台灣莊敬高職表演科嘅佢，表演經驗豐富外，仲入圍過台灣第54屆金馬獎最佳新演員，好成績真係有目共睹呀！
另外，佢嘅帥氣外型再加上模特兒完美身材，更被視為台灣未來男神接班人！
蔡凡熙一個燦笑就能瞬間融化人心，真係超犯規！
6.李玉璽
24歲有「國民校草」之稱嘅李玉璽，雖然佢爸爸都係明星，不過佢就唔鍾意人哋提起，仲成功靠自己嘅實力闖出一片天。佢憑電影《我的少女時代》中飾演靚仔高材生「歐陽非凡」打開知名度，之後又推出個人創作專輯，可算係歌影視三管齊下呀！
真係可以話係新生代男神中最具有才華嘅偶像代表呀！
7.陳立農＠Ninepercent
新生代男團組合Ninepercent成員陳立農因參加大陸偶像真人秀《偶像練習生》出道，係台灣知名製作人張世明同藝人陳建州（黑人）間公司傳奇星娛樂嘅練習生。年僅17歲嘅佢憑住可愛嘅笑容成功俘虜咗唔少粉絲，私底下佢仲不時update自拍照賣萌冧粉絲，真係少啲定力都唔得呀！
內地代表：
8.胡一天
有「嫩版彭于晏」之稱嘅胡一天，濃眉大眼加上挺拔外型，令佢一入行己經吸引大批女粉絲，更憑劇集《致我們單純的小美好》人氣飆升，表現值得期待。
9.王鶴棣
近日熱播嘅大陸劇新版《流星花園》男主角「道明寺」嘅王鶴棣，雖然年僅20歲，不過因為佢嘅靚仔外型，再加上佢嘅不羈感覺，令唔少網民都話：「完全就是漫畫走出來的道明寺嘛！」仲讚佢係史上最靚仔嘅道明寺呀，睇嚟男神之位指日可待呀！
10.楊洋
來自上海嘅26歲藝人楊洋2016年憑大陸人氣劇《微微一笑很傾城》中「肖奈」一角被大家認識！
11.TFBoys（王俊凱、王源、易样千壐）
男團TFBOYS由三位年約17、18歲嘅花美男組成，三人自出道至今，無論歌曲定舞台上嘅表現，佢哋嘅專業程度唔會輸畀其他偶像團體。而之前佢哋仲各自成立個人工作室，以分開發展但唔解散嘅方式前進，可謂星途無限呀！
個個都咁煞食，小編都真係唔知點揀好喇！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）