比比：由阿根廷球證執法我哋嘅比賽係唔可以接受 我可以同大家賭阿根廷將會成為今屆世界盃冠軍

葡萄牙🇵🇹0:1輸比摩洛哥🇲🇦，世界盃8強出局，比賽之後有葡萄牙球員對於今場執法球證表達唔滿意
葡萄牙🇵🇹中堅比比就話「之前就發生咗美斯同荷蘭嘅事件之後，今日仲搵阿根廷球證執法我哋場比賽係唔可以接受，再加埋摩洛哥一直喺度嘥時間，而球證只係警告過摩洛哥龍門兩次。我仲覺得般奴費南迪斯應該會有1個12碼，但係球證都係無比到。」
比比仲話「我帶着悲傷離開卡塔爾，因為我哋本身有能力贏到今次世界盃。我可以同大家賭阿根廷將會成為今屆世界盃冠軍。今日九位球證團隊入面有其中五位係阿根廷人，咁我仲可以有咩可以講？」

而中場般尼接受訪問就話「點解我哋今日執法球證會係阿根廷人？阿根廷好似仲有份踢緊今屆世界盃，反而一個葡萄牙球證都無。」

▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/p/CkfcN9kyz3M/