交友App｜85歲婆婆離婚後迷上交友app！瘋狂約會小鮮肉：我鼓勵長者搵年輕人拍拖！

交友App｜現代社會生會節奏急速，就連戀愛近年都大興「速食」文化，所以越嚟越多人使用「交友App」。而美國就有位85歲婆婆Hattie Retroage，喺離婚後迷上交友App，多年來不停同小鮮肉約會，話能喺佢哋身上搵翻年輕嘅感覺，更鼓勵所有長者都應該多同年輕人拍拖！到底詳情係點？即刻睇睇！

撰文：海月｜圖片來源：Hattie Retroage IG｜編輯：odin

交友App｜85歲婆婆離婚後迷上交友app！

現代社會生會節奏急速，就連戀愛近年都大興「速食」文化，所以越嚟越多人使用「交友App」。而美國就有位85歲婆婆Hattie Retroage，本身係一位專業舞蹈家，年輕時更同丈夫開設舞蹈學校，二人育有兩名兒女多年來一直生活愉快。不過喺兒女長大成人後，Hattie Retroage喺50歲時覺得生活有所改變，所以決定跟丈夫離婚。

Hattie Retroage離婚後雖然都想再婚，不過總係遇唔上啱嘅人，最後Hattie Retroage決定登報紙廣告徵友，意外地遇上好多符合要求嘅小鮮肉。而隨著近年科技發達，Hattie就迷上Tinder之類嘅交友App，更有一套自家交友理論：

「唔好太執著對方各種細節，相信自己嘅直覺，覺得有興趣就向右滑！因為每個人都有值得親自發掘嘅一面！」

Hattie Retroage最高峰試過8個月內同小鮮肉約會50次，而且亦不介意同對方有親密接觸，更直言唔單止渴望小鮮肉嘅肉感，最重要係享受佢哋身上嘅熱情同活力，而Hattie Retroage亦鼓勵長者打破年齡框架，試試同小鮮肉交往享受人生！