港女求教：拍拖一個月男友借$8000炒股，被拒絕後感情轉差，點算好？網民：真係唔係騙案？

港女｜感情路上好多時都會遇上問題，唔少人都會上網求教。日前就有位港女上網大吐苦水，表示拍拖一個月嘅男友想問自己借8千元炒股。而港女基於經濟狀況，最後拒絕男友要求，更有感兩人感情因事件轉淡。到底最後港女決定係點？即刻睇睇！

撰文：海月｜圖片來源：Dcard｜編輯：odin

港女求教：拍拖一個月男友借$8000炒股

感情路上好多時都會遇上問題，唔少人都會上網求教。日前就有位港女到網上討論區Dcard大吐苦水，表示跟男友交往了一個月，突然被男友方要求借$8000炒股：

點睇男朋友同你一齊咗一個月然後問你借錢買股票

其實我又唔會話佢同我一齊係為咗問我借錢炒股，咁我都一開始都feel到佢係真心對我嘅。 之但係，自從佢問我借完$8000，但我好猶豫，最後冇借到比佢之後，好明顯我地自己嘅關係係變咗，可以話係尷尬咗、淡咗。

雖然唔少香港人都會買股票，但唔少網民見到港女情況，都力勸不應借錢、量力而為。而港女最後拒絕男友，認為雙方感情基礎未夠穩定，加上覺得投資股票好大風險，未必能賺回本金：

「我覺得如果佢咁快就同我講錢，應該都唔係咁鍾意我」

「因為如果真心鍾意我嘅話係唔會咁樣，大家都知道講錢就最傷感情。」

自從港女拒絕男友借錢要求後，港女感到兩人關係出現變化「可以話係尷尬咗、淡咗」，亦覺得男友不再信任自己，兩人之間失去最重要嘅信任。

唔少網民都支持港女決定，主要因為兩人感情先得一個月「咩底蘊都唔知」，加上$8000對學生亦唔係小數目，借錢目的亦只係想攞錢去投機，建議港女應及早分手，避免成為水魚。

最後港女亦認同網民，決定跟男友分手，慶幸交往時間不長。