陳冠希突發出新歌　相隔8年rap自己：當我神覺得我好勁

陳冠希(Edison)19歲出道，之後其實一直有當歌手，當年歌曲包括〈香港地〉、〈你快樂嗎〉、〈壞孩子的天空〉、〈極愛自己〉、〈即影即有〉等。而早前他就突發在IG公開新歌短片，留言：「GODZILLA - 3 CORNERS / 哥斯拉 - 三角度」，仲有MV片段睇。

短片中陳冠希rap了幾句：「宇宙啲人嗌緊陳冠希，當我神覺得我好勁……我嘅男朋友覺得我好X型……結唔結婚我哋兩個未決定……你哋一直當我係冠軍，我個名入面有個神……」上一首陳冠希推出的歌曲，已經要數到2015年的〈天外有天〉，即是8年未有新歌，今次〈GODZILLA〉會收錄在專輯系列「3 CORNERS」內。