關心妍廣州演唱會爆滿女兒門票贈哈爾濱南下捧場歌迷

關心妍早前在廣州舉行巡迴演唱會，女兒楊榮心現身舞台與她合唱。（大會提供 / 明報製圖）

關心妍（Jade）日前在廣州完成《約》22周年演唱會，全場爆滿，7歲女兒楊榮心更以嘉賓身分現身舞台。這次演唱會原定兩年前、Jade出道20周年時舉行，後來因疫情延期至今。她說︰「廣州係第一站，嚟緊仲有幾站舉行，因為延遲咗兩年，所以都加啲新衫、新歌單畀粉絲補數。今次香港粉絲都組團200人嚟支持，我叫佢哋乘機去吓啲大熱超市潮聖，其中一個粉絲更加喺日本趕番嚟睇騷。」

Jade久未舉行巡唱，演唱會一票難求，有哈爾濱樂迷南下捧場，抵埗後始發現門票早已售罄。Jade說︰「我都唔知點算好，真係一張飛都冇晒，冇理由我哋自己買黃牛㗎嘛，但見佢咁遠嚟到都要諗吓方法，最終我畀咗囡囡張飛佢。我同心心講佢係嘉賓，要喺後台準備，唔使門票嘅！啲粉絲見到佢好開心，話佢高咗好多，唔知下次開騷佢仲肯唔肯上台唱。」