同章子怡離婚原因曝光？汪峰出歌疑控訴「3宗罪」

44歲嘅「國際章」章子怡上月23日被爆同內地搖滾天王汪峰離婚，結束8年婚姻關係，而2人嘅真正離婚原因，亦引起外界揣測。日前，有內地網友晒出汪峰去年推出嘅新歌《逃跑》，歌詞中疑似寫滿對章子怡嘅不滿，似乎亦正係2人離婚嘅最大誘因。

歌曲《逃跑》嘅歌詞「給哈士奇喂一碗綠芥末豆」、「在星巴克做整套普拉提」、「夜裡三點查看我的手機」，被網友猜測係汪峰抱怨章子怡日常令人難頂嘅行為「寶貝，別再這樣發瘋了」、「這樣下去我真的會逃跑」、「現在我決定要離開你」等，簡直係字字珠璣。事實上，汪峰過去喺節目受訪時，亦試過錄到一半突然畀章子怡打嚟Check行蹤，而汪峰亦現場聽電話表示節目仲要再錄5分鐘，錄完就會即刻返屋企外，就連主持人都跟著回答：「真的！還有5分鐘就結束了。」睇嚟喺呢段婚姻中，章子怡相當冇安全感。

東網網站 : https://on.cc/東網Facebook專頁 : https://www.facebook.com/onccnews/