MC喺生日當天意外地推出極度頹廢之作《一百個未老先衰的方法》，道出失戀後沉淪苦海嘅故事。
「快一些 今生我想活快些 只想快一些 收工歸去 沒不捨」
當被情傷得太重，個種絕望係筆墨難以形容，彷似失去所有，再無事情可以令自己快樂，唔想再花心思喺生活。反正愛人離開後，自己已經無任何目標、興趣、夢想，無咩值得留戀。
「可不可以 沒有假日 沒有節日 別公休 身體已 沒有插電 沒有網絡 沒得救」
變老變肥變廢都無所謂，橫掂無人在意，可以早啲步向完結其實仲好，人生快點過去，就唔駛再承受痛苦。每日行屍走肉，任由自己墮落，無靈魂地生存，活多一秒都係負擔，生命喺離別一刻已經變得毫無意義。
「我需要 那些愛 你沒再施捨 反正亦孤單變老 情願快些」
明知只有愛可以填補內心空虛，可惜已經對愛情徹底死心，害怕再次受傷，寧可繼續內耗，一沉不起，讓自己用一生去悔疚，孤獨終老。
「累了 不知 要再留堂多久 罰夠 沒有 怎麽到最後 又重頭」
縱使我地失戀時未必有歌曲咁萬念俱灰，但同樣會有想光陰快點過去，一空閒就胡思亂想，放假比工作更難渡過嘅感覺。配上MC收起力量嘅演繹，平淡卻份外揪心，充份感受到個種遍體鱗傷嘅無奈，相當入心，推介大家一次過聽埋佢同嘉豪cover嘅《密封罩》！
「講多次 若我有事 讓我去吧 別搶救 橫竪我已 無人偕老」
MC喺達到眾多里程碑後，依然做出各種新嘗試，仲越戰越勇，今年嘅作品展現出全能男歌手風範。從各大平台出色嘅播放率，足以證明佢喺樂壇舉足輕重嘅地位，非常厲害。
賦仔快啲再喺香港開solo演唱會啦！
「我待你夠好沒有 你害我夠慘沒有 等失智以後 神收走 那份內疚」
你又有無試過傷痛到寧願人生快點過去？
《一百個未老先衰的方法》 MC 張天賦
曲：湯令山
詞：黃偉文
編：Daniel Toh / Dick Wong
監：徐浩
「可不可以 沒禮拜六 沒禮拜日 又一週
講真我 沒有你後 沒有節目 沒好友
長命假使 似個毒咒
何必給我再賀壽
日子想快快活 早一些退休
可不可以 沒有假日 沒有節日 別公休
身體已 沒有插電 沒有網絡 沒得救
連獨享好戲也內疚
拿手好菜要自受
若得天意厚待 能早抖
接受 別鬥」
▼Follow hkpopculturelover
Instagram: https://www.instagram.com/hkpopculturelover/
留言 0