馮允謙（Jay）昨晚（10日）舉行第2場紅館演唱會，請來衛蘭（Janice）任演出嘉賓，合唱英文歌《Like I'm Gonna Lose You》。他直言早在10幾年前已被Janice的歌聲迷住，因而決定入行做歌手。兩人昨晚終於能在紅館合唱，令他有夢想成真的感覺。
Jay說︰「Janice對我嘅音樂路向好重要，因為我入行前喺加拿大，睇電視見到一個女仔喺遊戲節目裏面唱歌。嘩，呢個女仔唱歌咁好聽嘅，後來知道佢好似我咁鍾意R&B，又好似我咁睇中文要睇拼音，我叫『火星文』，當時希望有一日可以同呢個女仔同台唱歌。」
兩年前，Janice與Jay曾合作舉行了兩場音樂會。Jay說︰「我終於夢想成真，等咗好耐嘅機會，真係超掛住我哋做咗嗰兩場騷，之後我好想喺紅館演唱會同Janice分享舞台。」Janice聽完好友一番話後表示非常感動︰「I'm so proud of you！我覺得你嘅聲音喺呢行係好獨特。No one can sing like you！」
（即時娛樂）
留言 0