《九龍城寨之圍城》9.13登陸Disney+　唔入戲院都睇到4分鐘加長版？

電影《九龍城寨之圍城》，成功掀起港式動作電影熱潮，港澳票房累計突破1億1千萬港元，成為史上第二套票房破億港元的港產片，同時暫坐穩2024年香港電影票房No. 1，以及成為有史以來香港電影總入場人數No. 1。電影上映多時，現正式於9月13日登陸Disney+。

以原著小說及漫畫《九龍城寨》為故事基礎創作而成的《九龍城寨之圍城》，斥資3億港元搭建拍攝場景，重現九龍城寨神秘獨特氣氛，真實感爆錶，上映當時震撼無數觀眾，更掀起一股九龍城寨的懷舊風潮。至於電影在上畫後期，新增4分鐘加長版彩蛋，有冇機會唔入戲院都睇到呢？答案係唔可以，Disney+上的只是原版，想睇加長版都係要把握機會入戲院。

電影由香港電影金像獎「最佳導演」鄭保瑞執導，集合多位華語影壇巨星以及演藝新星，其中包括古天樂、林峯、劉俊謙、胡子彤、張文傑、伍允龍、洪金寶、任賢齊、黃德斌以及驚喜客串的郭富城。鏡頭前上演連場對戰拳拳到肉，毫不錫身，令觀眾看得熱血沸騰，嬴盡口碑！