【寄語大家珍惜當下】古天樂舊歌〈像我這一種男人〉宣傳新片《犯罪現場》
古天樂貴為本屆叱咤我最喜愛的男歌手，今日有「新歌」出街：〈像我這一種男人〉！咦，這首歌熟口熟面？沒錯，其實這首歌是古天樂2000年的舊歌，最近舊歌新用，宣傳新片《犯罪現場》，更寄語大家就算未知之後或明年發生何事，都要珍惜當下！
《犯罪現場》將於下星期四上映，片中古天樂和宣萱有一段撲朔迷離的感情，導演馮志強特地揀選了古仔的舊歌〈像我這一種男人〉作背景歌曲，為電影炮製了一首MV。當中，古仔剖白心聲兼自問自答︰「實際上嘅我係一種咩男人呢？我覺得最緊要專心做好自己嘅事。」
更重要是，古仔寄語大家要珍惜當下！「好多人問我咁多工作會唔會好攰呀？喺我世界裡面冇工作先係最攰。其實呢個世界有冇勞模？可能我哋嗰代嘅人教我就係唔怕蝕底同多勞多得。我覺得做咩都好，最重要尊重自己行業，尊重自己嘅崗位，做好佢。可能未來或者出年發生咩事，冇人估計到，但如果活在當下都唔去珍惜嘅時候，咁呢樣至係最可惜。」
提提大家，〈像我這一種男人〉 是古天樂2000年的作品、收錄於他的首張專輯《男朋友》。此歌亦是電視劇《創世紀II天地有情》插曲，彷彿是他的角色張自力的寫照。
撰文：二弟