官恩娜40而不惑 一家四口齊慶祝超溫馨

唔經唔覺40歲啦！自嫁作人婦近日專心湊一對仔女的官恩娜（Ella），前日踏入40不惑之年。年齡是女人秘密，但幸褔人妻Ella一點也不介意公開，仲開心一家四口的溫馨慶祝生日相。
只見Ella悉心打扮，靚樣十年如一日，穿上Deep V裙，輕露事業線，老公亦西裝上陣，兩人飲香檳，連同一對仔女在高級餐廳慶祝生日。Ella感性留言：「記得以前做訪問成日有人問我…覺得自己10年後會係點？幾時會結婚？生唔生小朋友？ 想要幾多個？我唔係一個對人生特別有計劃嘅人，相信緣份到就會發生。女人40，檢視下自己嘅人生… 成長路上經歷唔小起起跌跌，到咗今日可以搵到一個覺得最開心，最合適自己嘅位置真係好感恩！ 雖然冇乜大成就，只要可以每日睇住自己兩個小朋友成長已經覺得好快樂！」
Ella仲特別多謝老公同佢過咗一個好開心嘅生日，話有他們就足夠！