荔枝角一站式日系養生館！按摩+瑜伽+美甲、風呂打卡裝潢

貪靚係人嘅天性，襯後生當然要好好保養自己！最近發現位於荔枝角嘅Health Supreme Club養生館，提供一站式服務包括按摩、瑜伽、美甲、蒸身等，日式風呂般嘅裝修，好似去咗日本溫泉旅館咁，店舖仲有提供浴衣打卡，相當過癮！

未有時間去旅行，都可以周末畀自己放鬆下！店舖佔地4,000呎，地方寛闊，以日式風呂做主題，房間佈置亦甚有心思。其中兩間房仲用咗富士山同京都做背景，房間入面預備咗浴衣，供客人穿著打卡，約埋girl friends嚟唔洗怕老尷！

基本按摩療程由$688/45分鐘起，想放鬆啲仲有草球按摩添！按摩師力度適中，手勢專業，除咗按摩之外，仲可以做返做全身負離子美肌蒸$688/20分鐘，出下汗嚟個全身排毒。店舖另外仲有提供瑜伽班、美甲等服務，可謂由頭照顧到落腳。