利物浦英超巡遊汽車撞人群　高海寧周嘉洛驚險逃過一劫

英超球隊利物浦周一（26日）在市內舉行勝利巡遊期間，有汽車高速撞向人群，至少27人受傷送院，包括4名兒童。默西塞德郡警方表示，一名53歲英國白人司機被捕，正調查事件，目前並非視為恐怖主義事件。適逢藝人高海寧、周嘉洛及黃庭鋒應邀到利物浦朝聖，眾人原來當時正身在同一場地，欣賞巡遊並合照，好在一行人在出事前已離開，驚險逃過一劫！

當中高海寧即急急同大家報平安，上載合照並合十留言：「收到很多message，同大家報個平安。我們一行人一切安好！希望受影響人士和傷者早日康復」不幸中嘅大幸係，意外發生時，大隊已離開現場。

黃庭鋒亦有晒出當時睇巡遊嘅片段，見到幕前幕後都着上雨褸及擔遮等，睇得出當時天陰有雨，不過都無損眾人好心情，即使要同大家膊頭貼膊頭咁一睹名將風采，大家都係興奮歡呼。

東網網站 : https://on.cc/東網Facebook專頁 : https://www.facebook.com/onccnews/