Fran9監製過鄭秀文個唱　台下等5分鐘唔播歌被質問︰搞咩呀監製？

MIRROR紅館演唱會早前發生恐怖意外，一塊吊在半空的巨型電視在表演期間突然墮下，壓傷兩名舞蹈員，其中阿Mo（李啟言）受重傷，送院至今情況仍然列為危殆，事件令全球十多個國家媒體都報導。事後主辦方宣佈演唱會即時腰斬，餘下8場全部取消，所有有關部門都要接受調查。

當中演唱會監製Fran9（林浩源）意外後未有表態而被網民圍剿，直到昨日Fran9在社交平台發聲明表示未有想過逃避責任，又指網上流傳諸多描述均非事實，將會保留所有追究權利。不過網民不賣帳，翻摷2014年Fran9為天后鄭秀文（Sammi）監製《Touch Mi》演唱會尾場時，Sammi在台下升上來時曾出演出現洞，當時Sammi以開玩笑形式開咪「質問」Fran9：「搞咩呀監製？我喺下面企咗5分鐘啦，死都唔肯起歌。」

有網民又指當時幕後團隊不支持Sammi在演唱會演唱《高山低谷》，Sammi在台上表示：「呢隻歌叫《高山低谷》，因為我冇乜練過，所以唱得唔好多多包涵。因為成組人反對咗，因為觀眾唔係好熟悉，又唔係你自己歌。但係我話唔緊要啦，今日尾場，就畀最後幾分鐘時間我，唱呢隻我好想同你哋分享嘅歌。」觀眾聽後都拍曬手掌，Sammi亦笑住向Fran9說：「嗱！監製，You are wrong。」