效力熱刺韓國🇰🇷前鋒孫興民五年曾經接受每日郵報訪問講過自己唔係足球明星，而同哈利簡尼踢波係幸運嘅事。孫興民再次接受每日郵報訪問，佢就話「我嘅諗法從來無變過，我覺得同哈利簡尼一齊踢波係好幸運嘅事。我依家仲踢緊波因為我熱愛足球，而唔係因為我想成為足球明星😂。」
孫興民表示「每個人都愛哈利簡尼，就算再過多十年，我都會話同簡尼齊踢波嘅感覺好特別。簡尼打破咗好多紀錄，我唔知道自己有無幫過簡尼，但我希望自己真係有幫過佢☺️。」
孫興民仲話「我知道球迷希望我可以做到更多野。當大家批評我嗰陣，我完全認同大家嘅批評，我想同球隊同球迷講句唔好意思，大家對我有好高期望，我係過去幾年都有唔錯表現，今年我都要有唔錯表現😎。」
去到最後，孫興民被問到如果阿仙奴拎到英超冠軍🏆，係咪代表住阿仙奴就係成個英超最好球隊？孫興民笑住講「唔係，佢哋唔會係最好球隊🤣。」