車婉婉睇好吳大強入三甲 盼《中年好聲音》繼續做下去

《中年好聲音》12強昨晚（6日）現身深水埗宣傳活動，節目主持車婉婉受訪時表示，12強出爐後，收到好多親友問三甲心水，她大讚12強水準平均，誰勝誰負，要看他們決賽揀歌和臨場發揮，但客觀角度有3位被睇高一線，她說：「吳大強狀態穩定，比較少技術出錯，又多粉絲，李佳和羅啟豪也穩定，漸入佳境。」

問到有沒有參賽者向她攞參賽貼士？她直言有：「我都有畀意見，但只供參考，因為我嘅說法未必啱，要佢哋消化。」她指日前陪參賽者欣賞12強誕生一集，需要安慰和輔導他們：「班參賽者患咗被淘汰候群症，因為擔心被淘汰，或者被淘汰後仍要出席活動見人，心情會好低落，不過我作為主持，都集集感觸到喊。」

有指《中年好聲音》收視跑贏《愛‧回家之開心速遞》，公司鎖定未來大搞，擱置舉辦《聲夢傳奇3》，車婉婉表示未聽聞監製籌拍下一輯，監製只向她分享節目有好收視消息，她也盼可以繼續做下去：「我都係唱歌比賽出身，對呢類節目特別有情感，而且睇住呢個節目出世至今，有血有肉，覺得好窩心和團結。」

（即時娛樂）