出國旅行時，大家通常會提早預多少時間去機場呢？如果想坐到自己揀的位置，網上提前辦理辦理登機手續就最方便。有自稱前地勤人員的網民在網上投稿分享，曾有一名港女在飛機起飛前一小時才到櫃位Check in，結果因為座位問題發爛。
撰文：SY｜圖片來源：FB@Hispitality、YouTube@TVB USA Official
一名自稱是前地勤的網民於Facebook專頁「西店Hi客之道 Hispitality Secret」上投稿指，自己很久以前遇過2位客人，在飛機起飛前一小時才到機場辦理登機手續，所以未能安排連座給他們。於是，女客人就開始質問事主：「點解冇得一齊坐㗎，你地對面個同事話得㗎喎。」
事主指，飛機只有300個座位，而該對男女起飛前一小時辦理登機手續，已經是第290同291名乘客，所以無法安排到一齊坐：「唔好意思呀小姐，真係成班機都Full晒，冇一齊嘅位，你地下次Online Check In左先？或者你有冇對面同事個名，我問下佢咩事？」
而該名女客人稱，男友其實是高級會員，聽到事主的說法後，已經說了「唔該」。但女客人沒有打算放棄：「咩叫冇啦，你咩態度呀而家？你有冇禮貌㗎，你比你個名同Staff Number我，我要投訴！」
看完事主的故事，網民直指該女客人不講理：「直覺話俾我知，條女應該好快俾條仔飛」、「咁高級，買票時劃埋位」、「Online Check In 都唔識呀？」
但又有網民認為港女發脾氣其實另有原因：「好多人諗住最後一刻Check In博Upgrade」、「佢鬧俾條仔聽啫，覺得條仔唔幫佢」。
不少網民都幫事主鬧爆女客人，有些更一句道出重點：「叫佢搵返對面Counter同事幫手」、「早啲Check In 咪有位俾你揀」、「Online Check In 咪有得一齊坐」。
留言 0