《熟女強人》28號首播！胡杏兒開群組拉攏姊妹情

由胡杏兒、何珮瑜、沈卓盈、陸詩韻、曾樂彤、吳千語、陳逸寧等主演的ViuTV劇集《熟女強人》將於9月28日首播。劇情講述時下女性多數身兼多職，既要照顧家庭又要兼顧事業。面對社會標準和輿論壓力，女性往往承受很多不必要的壓力。

眾女星首日拍攝群戲時，已經非常合拍，當導演宣布收工時，一起跳舞慶祝，被杏兒取笑場面似足煞科：「都唔知咩事，好似煞科咁，但呢日拍得好開心，因為之前拍屋企戲份就溫馨啲，呢度就熱鬧啲，佢哋可以早收啲，我同陳逸寧就要留低拍多啲啲，睇吓邊個有義氣會留低陪我。其實唔埋位我哋係傾吓星座，Roll機都想繼續傾，頭先千語話想約埋飲番杯，我就叫佢哋嚟我屋企玩，順便幫手湊仔。」

何珮瑜和曾樂彤拍攝打小三戲份異常興奮，曾樂彤揚言會義不容辭為朋友出頭：「得我自己會細膽好多，街邊有人捉住我Sell嘢，我都會硬晒，但係試過有朋友畀人非禮，我反而好大膽出聲喝止。」Jeana表示杏兒好Sweet，即使首次合作都將大家溶化：「佢第一日見面已經開咗個Group，不時Send相畀我地，令我地未入組都感受到氣氛、知道拍攝進度。所以呢日第一次齊人，但大家都好似入組好耐，不知不覺成為好朋友。」

撰文：機