感謝關注｜京東避談App抄襲HKTVMall 指唔係要同邊個鬥 但樂意比下邊個對客更好
內地電商巨頭京東（9618）近期強勢攻港，但就被HKTVmall母企香港科技探索 （1137） 副主席兼行政總裁王維基寸爆其App界面抄足HKTVMall八九成，直言「難分真與假」。對此，京東表示感謝王維基對京東的關注，但隻字不提有關抄襲的問題。
京東港澳fb小編發文回應，完全明白王生（王維基）對於京東開拓香港市場的疑慮，強調京東攻港「唔係要同邊個鬥」，而是想將真正的着數帶給每一位香港街坊。
事實上，王維基除了寸京App涉抄襲，亦提出疑問，指為何京東所謂的「買貴就賠」只包括百佳、惠康、百老匯和豐澤，而不包括HKTVmall在內，質疑「係睇我唔起，定抑或因為唔夠我哋平？」
京東則指，其營運模式有能力提供更低價錢、更低服務，「既然王生開咗個頭，我哋都好樂意同你比下邊個對客更好」。宣佈已全面推行全類別滿188蚊免運費送上門服務、即日起至到6月底大家電銷售旺季，所有香港客買的京東自營家電，都會免費上門安裝，又指如客人發現同一款貨品京東賣得貴過其他平台，會實行「買貴就賠」。
密切留意BossMind動向！立即CLS