王菀之（Ivana）昨晚（22日）在紅館舉行《合體─王菀之演唱會2025》首場演出，張敬軒擔任嘉賓。有網民在社交平台大讚Ivana演唱會好正，但有一幕想分享感受：「話說有part係軒公驚喜現身！本身應該係靜靜地坐低互相凝視，雙方醞釀情緒，感動，再起歌唱《下次愛你》…但呢啲時候總係會有人叫囂，破壞晒整個氣氛，軒公已經搖晒頭，都仲叫！觀眾們都Sh…又再叫…不過Ivana完全冇俾台下嘅事影響到～雖然如此，但呢一part真係好感動！」從片段看到，當Ivana和軒仔在台上培養情緒時，有現場觀眾突然大叫「好靚仔呀﹗」﹑「唔好喊呀﹗」
彭秀慧今天（23日）也在threads轉發該則帖文，對於有現場觀眾突然亂叫大嗌，她寫道：「分享係唔係因為想笑想指控呢幾個觀眾，因為你已經破壞咗個演出，返唔到轉頭，而係我相信仲有好多人未知道，呢啲亂叫大嗌對一個show嘅傷害性，影響嘅係同場觀眾仲有台上表演嘅人，你自己亦錯過咗個真正嘅表演效果，睇show睜開眼，睇清楚自己睇緊一個咩演出，ok?」
（即時娛樂）