MC張天賦疑被商台打壓感失望 新歌打入最喜愛15強：因為呢個靠投票

近日有傳MC張天賦被商台打壓，新歌〈記憶棉〉在上星期播足9次卻被踢出排行榜，相反林奕匡〈解答〉和陳柏宇〈對得起自己〉只有5次及6次播放率卻榜上有名，有指此舉是商台為呂爵安（Edan）獲生力軍男歌手金獎鋪路，MC今日出席活動時表明有留意但不知道來龍去脈，坦言歌曲無法上榜感到失望。

MC張天賦今日出席品牌活動時表示，有留意相關報道，坦言歌曲無法上榜感到失望，「但畢竟自己唔清楚佢嘅制度、點計分，所以都係交俾公司處理，自己做好自己音樂就可以。」MC表示未有因此而詢問公司，他亦相信自己的團隊會為他爭取最好的成績。「同埋唔會因為咁影響我信心，我好用心去做呢隻歌，我好鍾意〈記憶棉〉。」

MC新歌被打壓，有指他的最大對手Edan （呂爵安）是受惠者，他表示：「Edan多fans，佢拎到都係開心同值得，但自己唔會擔心因為咁而拎唔到，佢勝算的而且確係高，我好鍾意聽佢嘅歌，而且佢fans都好強、佢係好好嘅對手。」

幸好〈記憶棉〉依然打入「我最喜愛的歌曲」15強，他感到很開心：「因為呢個係靠投票，唔少粉絲支持。」他笑說自己很少拉票，「如果真係鍾意我嘅音樂唔係靠拉票，希望可以攞獎，但都係平常心。」近來頻頻出活動的他表示感謝公司安排，現時特別注意作息時間，但坦言自己時間管理差：「有時返到屋企會想彈結他同玩吓打吓機，之前會好夜瞓，甚至清晨，依家就唔敢啦。依家會瞓6、7個鐘，但我平時係瞓8至10個鐘先夠瞓，如果唔係會唔精神。」

下星期初，MC將會一連兩日舉行的粉絲見面會，MC笑言沒有多想造勢與否。「其實所有嘢都發生得好快，今年出道，可以做到5首歌，又出到碟、仲可以開埋騷，呢個係最直接分享到我嘅音樂同快樂嘅一件事。」