練樂儀帶備多套靚衫飛新加坡　為靚相熱到溶

「美人魚教練」藝人練樂儀日前飛新加坡旅遊，此行主要是去看美國天后Lady Gaga演唱會，另一個行程是去拍攝靚相，她專登從香港帶備多套靚衫包括晚裝到新加坡，1日裏面走妥多處著名景點打卡，相中她穿梭於大自然與現代化之間，拍出仙氣。不過原來背後十分辛苦，原因拍攝當日天氣炎熱，戶外持續高溫達33度以上，長時間逗留戶外令她大大吃不消，練樂儀表示：「今次去咗5日，自己飛過去然後會合朋友，新加坡呢個月份好熱，我諗喺度生活都幾辛苦，影相時好熱，真係熱到溶，但為咗靚相頂住。」拍出靚人靚景效果，辛苦也感覺值得。

東網網站 : https://on.cc/東網Facebook專頁 : https://www.facebook.com/onccnews/