張致恒「賣慘」情勒網友始創「網絡乞衣」新行業愈賣愈賤

1. 自社交媒體興起，電子支付變得方便後，衍生了另類「職業」，是為「網絡乞衣」

2. 網絡乞衣，簡而言之，就是名正言順地問網民要錢，有指「網絡乞衣」一共分為兩類：一是確實陷入經濟困境嘅人；二是好吃懶做嘅寄生蟲

3. 要數到娛樂界「網絡乞衣」KOL，不得不提張氏一家，自張致恒（Steven）因個底太花離開 #英皇，沉寂多時後，佢老婆區燕雯（雯雯）不斷「數臭」Steven，「一哭二鬧三離婚」，成功搶fo製造話題

4. 「離婚界KOL」雯雯講離婚講足咁多個月，講到口水乾都未離，但仔就繼續生，四年抱四，借離婚話題上位之餘，繼續同老公「扯貓尾」

5. 好吃懶做張氏一家，張致恒曾經做過小食店、又話同人夾份開台拍自家節目，全部三分鐘熱度，唔夠一個月就收檔，最新又自爆返新工派傳單兼送外賣，被網民質疑「做得幾耐」？又自爆有網民索價一萬，要求他賣 Twins 電話，他雖拒絕，但坦言：「其實係幾吸引嘅」

6. 另一方面，十分懂得製造話題嘅雯雯，見離婚話題已經講冇人信，開始轉向「賣慘」，一時又話「兩日可以去邊？」、一時又「既然努力過，也解決不到，只有認命」，再而發爛狂數債主借錢時當Steven兄弟，發現對方冇利用價值就反面要求還錢

7. 張致恒就不斷向網民「苛索」，「戰績」包括：「咁大個仔第一次蛀牙，睇牙好貴有冇贊助」，疑似成功「得逞」後，食過返尋味，又開po「過埋呢個月所有嘢都可以回復正常…真係求求大家幫下手」，附上大大個支付link，老婆雯雯亦「#唱雙簧」，指「我該怎樣走下去」，唔知醜到極致

8. 「救亡」post開完唔使幾日，繼早前到戶外貴價充氣城堡嘉年華後，之後又比人影到一家六口暢遊迪士尼，同跳跳虎合照，雯雯解釋，原來係網友慷慨解囊，贈送4張迪士尼年票（一張$1,468），再次乞討成功！雯雯乘勝追擊，再發文：「有冇人有二手凍肉櫃？」

9. 張氏一家所作所為，圈內人都隻眼開隻眼閉，Steven曾傳出向阿Sa借10萬唔還，蔡卓妍不予否認，僅不斷回應「唔想講」、「唔想提」；而曾經因為Steven拖累搞到 Boy'z 紅館騷要擱置，舊拍檔 #關智斌僅稱有聯絡，問到會唔會重組Boy'z，只係話睇網民意願

10. 另邊廂，昔日舊同事吳浩康（Deep）放低歌手包袱，喺地盤工作賺錢養家，吳浩康個底雖然唔好得Steven幾多，但後者食相實在太難睇，令Deep成功「洗底」，「真漢子」形象入晒屋，近日頻接受傳媒訪問，仲出埋show

11. 再好睇嘅戲都有睇厭嘅一日，張致恒死性不改乞錢爛show，仲可以維持幾耐？

娛樂