全民造星IV｜23歲Ash被爆去年已結婚 巴打爆粗狂鬧「結咗婚選乜X偶像女團」

《全民造星IV》昨晚播出的一集，23歲的嬰兒ICU護士鍾卓穎(Ash)一開聲便令梁祖堯驚為天人，因為佢
擁有一把天籟之聲，又有愛心，加上有少少似Angelababy，令網民沉晒船。不過節目播出後，Ash被網民極速起底，發現原來Ash已於去年尾結婚，她跟老公簽紙的照片亦隨即曝光，配文更有婚紗及鑽戒的emoji。巴打們得知Ash已為人妻後，紛紛覺得被騙，更爆粗表示「結咗婚選乜X偶像女團」、「結左婚咪玩女團啦」，似乎不滿Ash已為人妻仍然參賽。
被爆結婚後，Ash今日就Post出千字文，但全文對已婚一事隻字不提，不過字裡行間就提到「搵到一個同你冇血緣係但永遠無條件支持你嘅人，見到有人鍾意我比我自己更開心嘅人，我只知道我應該要做嘅就係珍惜，因為人生可以好短暫。所以不論係另一半定係呢一個比賽，選擇左我就唔會後悔。」似乎默認已為人妻。