港女｜男友不斷搵前度傾偈！港女求教：點解男人咁鍾意同前女友做朋友？網民逐點神回應

感情路上好少人可以一帆風順，當分手過後有人會覺得「再見亦是朋友」，都有人會覺得所有另一半呢前度都係敵人。早前就有港女網上求教：點解男人咁鍾意同前女友做朋友？到底港好男友做咗啲乜引起一眾網民熱議？即刻睇睇！

撰文：海月｜圖片來源：香港討論區、愛回家

港女｜港女求教：點解男人咁鍾意同前女友做朋友？

分手過後，有人會覺得「再見亦是朋友」，都有人會覺得所有另一半呢前度都係敵人。早前就有港女網上求教：點解男人咁鍾意同前女友做朋友？原來港女發現男友近日無論行街食飯、睇戲，都經常撳電話偷偷同人Send信息。

港女亦曾直接問男友「同邊個Send訊息？」，而男友雖然向港女解釋「處理公事」，不過港女竟然發現男友撳電話撳到「陰陰嘴笑」，更大感懷疑「傾公事傾得咁開心？」。之後港女趁男友去廁所時，成功偷睇對方手機，竟發現男友原來一直以來所謂「處理公事」，都係同前女友傾計！

雖然港女細看二人對話內容，大致上都係傾閒計，亦無親暱稱呼對方，一切好似幾「正常」。不過港女就對二人行為百思不得其解，更網上大呻「我真係唔明分咗手點解仲要保持聯絡」，更質疑男友「身邊無哂朋友㗎啦？要淪落到搵前度同你做朋友！」，字裡行間充滿不快感。不過港女最不滿嘅就係男友請佢一起揀禮物送俾前女友，而男友更反問：「點解唔可以送生日禮物俾朋友？」。一句直激港女：

「因為你嗰個唔係普通朋友囉！係放唔低人個陣做咩又要同人哋分手？」

最後港女更忍唔著直接向男友質問「點解仲要同前女友聯絡」，而男友解釋表示「咁再見亦是朋友啊嘛，分咗手唔一定要做陌生人㗎喎～」。唔少網民見到港女發文都大表感同身受，更有唔少人覺得男友咁做「一定有蠱惑」：

「樓主你問呢個問題，係我一直都好想知，但係冇辦法知，亦都冇辦法明白」

不過亦有男網民表示自己亦有跟前度聯絡，更親身留言解話。原來係覺得「男人寧願多個朋友好過多個仇人」，所以同樣覺得港女男友「未必真心想復合或有路，但無謂放棄任何將來發生的機會」。同「男女之間有無可能有純友誼」一樣，睇怕呢個都係大家千古不解嘅難題！