[金鐘必食！高質日本便當期間限定店] 🍱🍣✨

去日本旅行，坐長途車總會買便當食！便當雖然稱之為「便」，但真係整得色香味俱全，又要考慮長時間擺放不變味、放涼後食嘅效果及營養均衡等問題，設計起上嚟真心唔容易！

雖然而家已經通關，但小編作為忙碌嘅返工族，未必下下就到假期去旅行！因此，日本食品海外推廣中心JFOODO就聯同多間本地日本餐廳，由即日到2月21日喺金鐘廊設有期間限定店，以一系列由日本時令食材炮製特級便當，比大家身在香港都食到日本級便當，以解思鄉之苦！

喺限定店開始以先，小編仲同朋友來到JFOODO舉辦嘅「日本便當-匠人之藝匠人之味」活動！有幸率先試到精華版嘅「灘萬日本料理特選便當」！😍此外，現場又有港島香格里拉酒店灘萬（Nadaman）嘅主廚小山剛世親身示範製作便當嘅技巧，如煮製濃縮高湯、以紅蘿蔔雕出冬季象徵嘅梅花等，真係令人大開眼界！😍

✦ 灘萬日本料理特選便當*

便當分成四格，每格空間卻各有主題，甜、酸、咸等口味多樣化，鋪排用心，口味多樣化！

當中，我至愛就係「烤和牛配野菜南蠻漬及椰菜花」，雪花和牛經過慢煮，所以冷卻後食，油花較無凝固，入口即化，質感軟嫩！

其次，酒盜汁鯛魚都帶比我驚喜，鯛魚刺身膠質豐富，魚肉帶有濃濃嘅酒香，非常高質！

此外，小編係個有飯氣嘅人，便當中嘅鯛魚釜飯＋三文魚子醬油漬及雞蛋絲，撈埋一齊食，日本珍珠米煙煙靭靭，三文魚子醬油漬咸香爆汁，作為一餐結尾真係大滿足呢！

* 灘萬日本料理特選便當是「日本便當-匠人之藝匠人之味」活動嘅限定產品，限定店不設有售。然而，內裡嘅配菜在其他款式便當都有，屬精華嘅總結。想試均，不妨多買幾個便當（笑）！😏

JFOODO活動網頁：https://miso-jfoodo.jetro.go.jp/hk/bento/index.html

With：@jerryctravel, @hhazelsdaily , @agnesss_liu

✾分類標籤

daydayfoodie_restaurant

👆ᴿᵉᵃᵈ ᴹᵒʳᵉ

★－:+:－:+:－:+:－:+:－★

JFOODO Lab Concept

◌ 地址：金鐘廊Lab Concept 1樓P4攤位（力寶中心出口旁）

◌ 供應日期：即日起至2月17日

★－:+:－:+:－:+:－:+:－★

🎀 記得like埋我，每日放送打卡好去處！📸

生活