一鍋堂開左間全港最大既任食火鍋店！呢間葵芳新店佔地超過13,000呎，店內空間寬敞闊落，仲採用私隱度較高的全卡座設計，啱晒一班朋友圍爐取暖。一鍋堂主打多款養生湯底，湯底選擇有成18款，絕對搵到款你鐘意既！6 月份新店開張仲做緊88折優惠，午市定量放題最低$68就食到，即睇優惠詳細啦！
圖片來源：官方圖片｜撰文：Mifa
一鍋堂葵芳旗艦店 面積過萬呎等於半層新都會廣場
香港人真係好鐘意打邊爐嫁，一大班朋友聚腳就會想「邊一邊」先！一鍋堂新開的葵芳旗艦店就啱晒一大班朋友啦，面積足足有13,000 呎，半層新都會廣場咁大，唔驚逼黎逼去。一班朋友傾計最緊要坐得舒舒服服，店內的全卡座設計私穩度更高、傾得更開心！裝修方面採用日式風格，原木配上綠色十分清新。中央位置仲有多個霓虹燈打卡位「#吃飽才有力氣減肥」、「好 L 正啊」、「掂」、 「滾」等等夠晒貼地有本土味，打完邊爐仲有得打埋卡先走！
主打18款養生湯底 數量冠絕全港火鍋放題店
打邊爐又點少得靚湯底？一鍋堂主打超過 18 款養生湯底，必試一鍋潮汕鍋及一鍋麻辣鍋。一鍋潮汕鍋用上大地魚、蝦米、豆卜、咸菜、唐芹、大蒜、胡椒碎等，並用香港生曬大地魚炮製湯底，特別鮮甜！而一鍋麻辣鍋則加入麻辣湯蒜子、京蔥、花椒、茴香等，多層次的麻辣簡直係愛辣人士既福音，仲有除濕止痛的功效！大家用餐時可以「先飲湯，後打邊爐」嘆完真材實料既靚湯再開餐。新店開幕仲聯乘「金寶湯」推出忌廉周打蜆湯、蕃茄牛尾湯及蕃茄羅勒湯 3 款限定口味，想試新野既朋友唔好錯過啦。
一鍋堂午市60分鐘火鍋放題$68起 打工仔恩物！
一鍋堂仲推出午市套餐「60 分鐘午市定量火鍋放題」一人一鍋。有 8 款套餐選擇，封門柳配西班牙橄欖飼豬肉套餐、素菜鍋、高級澳洲和牛都有，低至 $68 啱晒葵芳打工仔！仲有 47 款自助吧火鍋配料、前菜小食、蔬菜及飲品任任嘆，一定食到超滿足回晒血！
晚市3款放題套餐 必食澳洲和牛！
一鍋堂晚市放題推出三款任食套餐包括精選進口肉、特選安格斯牛及高級澳洲和牛，每個套餐可以食既肉類都唔同，大家可以睇返 menu 選擇。高級澳洲和牛、美國安格斯牛肉、澳洲M5牛板肉都有得嘆，各位食肉獸今次就可以嘆多款唔同牛肉啦！
6月新張期內 一鍋堂全線分店全單 88 折優惠
為左慶祝新店開張，在 6 月份新張期內，於一鍋堂全線分店任何光顧均可享有全單 88 折優惠！以 60 分鐘午市一人一 鍋定量火鍋放題計算，折合低至 HK$65 即可享用超過 47 款自助吧火鍋配料、前菜小食、蔬菜及飲品！真係抵到爛呀，即刻約埋朋友去打個邊爐啦～
【INFO】
一鍋堂 葵芳旗艦店
地址：葵芳興芳路 223 號新都會廣場 6 樓 601-610 號舖
營業時間: 11:30-22:00
電話：3618 8219
＊時間有機會變更，確實時間請向店家查詢
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
留言 0