謝霆鋒睇Band騷冇技癢　一講王菲就甜笑

謝霆鋒、陳家樂、李幸倪（Gin Lee）、泳兒、許靖韻與英皇老闆楊受成晚上（21日）到麥花臣場館欣賞《起勢夾Band Combat Show》。霆鋒到場相當受觀眾歡迎，引來一陣尖叫聲。專誠來支持本地Band友的霆鋒有一段時間沒有Rock爆舞台，問到可希望再踏舞台？他笑說：「要睇吓一陣間嘅氣氛。（會唔會技癢上台唱歌？）唔會，因為今日係佢哋選拔賽嚟，所以專心睇佢哋。（老闆想吸引你開騷？）唔覺得，但呢件係一件好有誠意，好有心嘅行動，好多樂隊需要呢個舞台、呢個機會，畀hip pop威咗咁耐，我哋班rock友都要出返嚟。（搵埋馮德倫一齊夾band？）叔父輩嚟喎，考慮吓。（恨唔恨再唱歌？）暫時有幾部戲要拍，專心拍咗先。」

講到明天（22日）是蔡卓妍生日可有表示？他笑說：「生日快樂，我對呢啲好衰，從來唔記生日。」講到聖誕節，他指因電影要加長拍攝到明年1月中，但中間可能有一個星期搭景空檔，問到豈不是可以趁機返內地探望王菲，霆鋒雖然未有回答，但卻笑得相當甜，隨後即趕入場欣賞Band Show。

東網網站 : https://on.cc/東網Facebook專頁 : https://www.facebook.com/onccnews/