本周日晚（6月11日）播出的一集TVB遊戲節目《濠玩夏水禮》，林盛斌（Bob）、金剛繼續帶領一班藝人，到澳門體驗最新的水上設施。
「喪玩隊」的Bob、何浩文、蘇韻姿、關楓馨和陳婉衡，決戰「好玩隊」的金剛、周志康、余思霆、林秀怡和邵初。
該場地除了有好玩的水上設施外，還有好多好去處，兩位有料之人余思霆和陳婉衡孖住去「天際星空池」朝聖，除了可以大歎按摩池外，該處最大特色是室外部份的地板是透明玻璃底，可以由高處飽覽澳門的景色，兩人在水中游來游去似足太空漫步。
陳婉衡問到影相有咩貼士？思霆笑言：「身邊人好重要，搵朋友要搵唔同面靚嘅人，好似我左邊你右邊，咁就唔會爭位啦！」至於蘇韻姿則孖住林秀怡坐摩天輪食Tea，啱晒愛打卡的女士。
